U Francuskoj je ovog ljeta zabranjeno pušenje na oko 50 plaža duž Mediterana i Atlantika u cilju čistije okoline bez opušaka i smanjenja izloženosti pasivnom pušenju.
Udruženje Liga protiv raka (Ligue contre le cancer) pokrenulo je prije nekoliko godina kampanju “prostor bez duvanskog dima” dobivši od lokalnih vlasti širom zemlje 218 mjesta na otvorenom, kao što su parkovi ili plaže na kojima je zabranjeno pušenje. Ukupno 29 gradova do sad je prihvatilo tu incijativu.
Liga se zalaže za prostore na otvorenom bez duvanskog dima, ističući da u Francuskoj od posljedica duvana umre oko 78.000 ljudi.
Nica je prvi grad koji je 2012. godine uveo zabranu pušenja na jednoj plaži, sada u tom gradu postoje četiri takve plaže.
Susjedni gradić Kanj-Sir-Mer ima deset plaža bez duvana, ali je ove godine uveo zabranu upotrebe nargila i elektronskih cigareta na jednoj plaži.
Francusko ostrvo Korzika ima 20 nepušačkih plaža, a na Atlantiku je grad Sen-Malo uveo zabranu na tri plaže.
Manja mjesta u Bretanji i Normandiji takođe eksperimentišu sa plažama bez pušenja.
(b92)
