Nakon što je Severina Kojić izjavila da je izgubila bebu zbog stresa usred sudske borbe za starateljstvo nad sinom, njen bivši partner Milan Popović riješio je da otkrije svoju stranu priče.
Srbijanski kralj bakra kaže da mu je žao zbog toga i da je siguran da će pjevačica i njen muž Igor Kojić “imati novu mogućnost da dobiju dijete”. Napominje da Seve nije govorila istinu kada je rekla da njihovog petogodišnjeg sina Aleksandra nije vidjela ukupno 18 mjeseci, piše “Kurir“
“Istina je da nisam viđao sina, ali ti periodi su bili kratki. Prema prethodnoj presudi, ja 250 dana u godini nisam imao pravo da viđam svoje dijete. Bilo mi je teško. Moja želja da više vremena provodim s djetetom vodila me je kroz cijeli postupak”, rekao je za “RTL” Popović, koji je odlukom suda postigao zajedničko starateljstvo s hrvatskom pjevačicom.
Srbijanski kralj bakra tvrdi da je Severini mjesečno davao 10.000 eura.
“Redovno plaćam alimentaciju. Inače i tih takozvanih 18 mjeseci, za koje zaista ne znam kako su ih izračunali, redovno sam plaćao izdržavanje. Davao sam oko 75.000 kuna (10.000 eura) mjesečno. Plus sam joj pomogao oko albuma, turneje, nastupa, klipova i svega što je bilo potrebno.
Tim povodom oglasio se Severinin menadžer Tomislav Petrović:
“Nije istina da Popović plaća Severini alimentaciju u iznosu od 75.000 kuna. Popović plaća alimentaciju u visini od 15.000 kuna, a sve izjave o finansiranju njenih poslovnih aktivnosti su u svrhu diskreditovanja Severine, jer ona od njega nije to tražila.”
