Četiri odreska, prženu ribu i vodu platili vrtoglavih 1.100 eura

Gradonačelnik Venecije izrazio je zgražanje nad računom od 1.100 eura za koji četvorica japanskih turista tvrde da su platili za četiri odreska, platu pržene ribe, vodu i uslugu.

Četvero studenata požalilo se policiji nakon što su dobili frapantno visoki račun u restoranu u blizini Trga Svetog Marka.

Tri žene koje su bile s njima odlučile su da izaberu drugi restoran – ali su i u njemu platile račun od 350 eura za tri plate morskih plodova, javili su italijanski mediji.

Gradonačelnik je obećao da će provesti pravdu.

– Mi ćemo pomno istražiti ovu epizodu kako bismo provjerili valjanost te žalbe. Ukoliko se ta žalosna epizoda potvrdi, sve što možemo učiniti je da kaznimo odgovorne. Mi smo za pravdu – uvijek! – navodi gradonačelnik Luigi Brugnaro u tweetu.

Četvorica Japanaca požalili su policiji po povratku iz Bologne, gdje studiraju. Njihov slučaj objavio je Marco Gasparinetti, portparol foruma građana Venecije zvanog “Gruppo 25 Aprile”.

Italijanski mediji nisu imenovali restoran, ali navode da je u vlasništvu Kineskinje i da njime upravlja Egipćanin.

Gasparinetti navodi da je samo 1,1 posto restorana u tom djelu Venecije u vlasništvu lokalnog stanovništva, dok ta brojka iznosi 50 posto u istorijskom centru grada.

Kazao je da je “Gruppo 25 Aprile” u ovoj sedmici postavio savjet na Facebooku turistima kako bi im pomogla da izbjegavaju takva “ismijavanja”.

Brojni su slučajevi restorana u Veneciji koji naplaćuju visoke cijene turistima, kaže on, prenosi BBC.

Related posts