Nigerijska manekenka Chika Lann ima frizuru, koja vrijedi čak 40 miliona nigerijskih nairasa, što je oko 90.000 eura, bar tako ona tvrdi.
Chika zbog kose ima policijsku pratnju, a frizura ju je učinila zvijezdom, piše vanguardngr.com.
Tvrdi da često dobija prijetnje zbog svoje ekscentrične pojave, pa je odlučila da zatraži policijsko obezbjeđenje. Od tada se, tvrdi, osjeća mnogo sigurnije.
– Kada sam ispričala o vrijednosti svoje kreacije na glavi, na društvenim mrežama počele su prijetnje koje su me uplašile i shvatila sam da nije pametno da se razmećem svojom skupocjenom kosom – kazala je manekenka.
Priznaje da je shvatila da je izgubila svoju slobodu, ali nema namjeru da mijenja frizuru u koju je zaljubljena.
– Volim da budem unikatna i daću sve novce, spremna sam na razne neprijatnosti samo da se izdvojim iz mase – kaže ona.
